Xəbər mənbələri Qəzzədə digər 40 fələstinlinin şəhadəti və sionist rejiminin fosfor bombalarından istifadəsi barədə məlumat veriblər.
Xarici KİV-in verdiyi məlumata əsasən, Qəzzə zolağının mərkəzindəki yaşayış mənzillərinin sionist rejimi tərəfindən bombalanması zamanı şənbə günündən bazar gününədək 40 fələstinli şəhid olub və onlarla insan yaralanıb.
Xəbər mənbələri, həmçinin bildiriblər ki, sionist qüvvələri Cəbaliyadakı Ər-Rafei məktəbinə hücum ediblər və kişiləri həbs edib, atəş açdıqları halda qadınları çölə çıxarıblar.
Həmçinin sionist rejiminin dron hücumları zamanı Xan Yunisdəki Qırmızı Aypara Xəstəxanası yaxınlığında bir uşaq şəhid olub.
Bundan əlavə, işğalçı qüvvələr Cəbaliya və Əl-Cərn məntəqələrində fosfor və tüstü bombaları atıblar.
Qəzzədəki Fələstin Səhiyyə Nazirliyi şənbə günü elan edib: Ötən 24 saat ərzində (şənbə günü) sionist rejiminin Qəzzə zolağının müxtəlif bölgələrinə qarşı bombardmanları və hücumları nəticəsində 201 nəfər şəhid olub və 368 nəfər yaralanıb.
Qəzzədəki Fələstin Səhiyyə Nazirliyi vurğulayıb: Bununla da, Qəzzə şəhidlərinin ümumi sayı 20 258 nəfərə, yaralıların sayı isə 53 688 nəfərə çatıb.
Bu yaxınlarda Qəzzədəki Fələstin Səhiyyə Nazirliyinin sözçüsü “Əşrəf əl-Qədrə” də bildirib: İşğalçılar Qəzzədə daha çox can almaq üçün hələ də tibbi köməklərdən silah kimi istifadə edirlər. Gözləntilərdən daha yuxarı fəlakətlə üzləşməzdən əvvəl düşməni Qəzzəyə yardımların daxil olmasına vadar etmək lazımdır.
O, bildirib: Qəzzə zolağına daxil olanlar gündə 70 yük maşınından yuxarı deyil, halbuki, bu bölgənin insanlarının ehtiyacları 1000 ədəd yardım yük maşınına bərabərdir. Oktyabrın 7-dən indiyədək Qəzzədə 53 min yaralı qeydə alınıb və bunlardan, yalnız 411 nəfəri müalicə üçün Qəzzədən çıxıb.
Qəzzədəki Fələstin Səhiyyə Nazirliyi vurğulayıb: Rəfəh xəstəxanaları kiçikdirlər və tibb işçiləri yaralılara kömək edə bilmirlər.
O, əlavə edib: Rəfəh səhiyyə fəlakəti bölgəsinə çevrilib və Əbu Yusif Ən-Nəccar xəstəxanası işğalçıların qətliamlarına görə, yüzlərlə yaralıya müalicə xidməti göstərmək gücünü itirib.