Fələstin Səhiyyə Nazirliyi Qəzzədə və İordan çayının qərb sahillərində şəhid olan fələstinlilərin sayının 19 mini keçdiyini bildirib.
Bu hesabata əsasən, Fələstin Səhiyyə Nazirliyi sionist rejiminin Qəzzədə və İordan çayının qərb sahillərindəki insanlara qarşı hərtərəfli təcavüzlərinin başlamasından etibarən fələstin şəhidlərinin sayının 19 088 nəfəri ötdüyünü və yaralıların sayının isə təxminən 54 450 nəfərə çatdığını bildirib.
Səhiyyə Nazirliyi gündəlik hesabatında bildirib ki, Qəzzədə 70%-i qadınlar və uşaqlar olan təxminən 18 800 vətəndaş həyatını itirib, 51 000-dən çox Fələstin vətəndaşı yaralanıb və çoxlu insan da itkin düşüb.
Bu məlumata görə, şəhidlər arasında 300-dən çox səhiyyə işçisi, 86 müxbir, təxminən 35 nəfər xilasetmə və mülki müdafiə xidmətçisi və 135 nəfər UNRWA (BMT) əməkdaşı olub.
Dünən (şənbə günü) sionist rejiminin 71-ci gündə Qəzzəyə qarşı hücumları və təcavüzkarlıqları ilə eyni vaxtda, sionist rejiminin işğalçı ordusu Qəzzə zolağının müxtəlif hissələrinə olan vəhşicəsinə hücumlarını davam edib, bir sıra insanı şəhid edib və yaralayıb.
Qəzzə xalqı hələ də tibbi avadanlıqların və qida yardımlarının azlığından əziyyət çəkir. Qəssam batalyonlarının sözçüsü Əbu Ubeydə vurğulayıb ki, Qəssam döyüşçüləri 5 gün ərzində 100-dən çox “İsrail”-ə məxsus hərbi maşını hədəfə almağı bacarıblar.
Əbu Ubeydə bildirib ki, “Müqavimətin cəsur döyüşçüləri öz döyüşlərində qəhrəmancasına vuruşurlar və tarix səhifələrində həmişəlik qalacaqlar.” O, qeyri-bərabər müharibəyə işarə edərək deyib: “Onlar başdan ayağa cihazlarla və ölümcül sursatlala silahlanmış hərbiçilərlə və qırıcıların dəstəyi ilə döyüşürlər.”