Sionist rejiminin Cenin şəhəri və düşərgəsinə qarşı təcavüzkar hücumları başlayandan, yəni ötən həftənin çərşənbə axşamı günündən indiyədək Cenində 12 nəfər şəhid olub, onlarla insan yaralanıb və yüzlərlə digər insan isə həbs olunub.
İşğalçı rejimin hərbiçiləri ötən həftənin çərşənbə axşamı günündən etibarən Cenin şəhəri və düşərgəsini geniş həcmli raket və dron hücumlarına məruz qoyublar. Onlar bu bölgəni mühasirəyə alıb, bir sıra mənzilləri partladıb və bölgənin elektriyini kəsiblər.
Xəbər mənbələri daha sonra sionist rejiminin hərbiçilərinin Cenindən geri çəkildiklərini bildiriblər.
Fələstinli mənbələr dünən Cenin şəhərində İsrail hərbiçiləri tərəfindən açılan atəş nəticəsində şəhid olan 17 yaşlı fələstinli gəncin fotosunu dərc ediblər.
Sərhədsiz Həkimlər Təşkilatı Cenindəki acınacaqlı vəziyyətə işarə edərək bildirib: Cenin əhalisi özünü xəstəxanalara çatdıra bilmədiyindən, həyatını itirir.
Sionist hərbiçiləri Cenində xəstəxanaları mühasirəyə almaqla yaralıların xəstəxanalara aparılmalarının qarşısını alırlar.