Qəzzədəki Fələstin Səhiyyə Nazirliyi həftənin bazar günü səhər saatlarına yaxın, sionist rejiminin Qəzzə zolağının cənubundakı bir xəstəxananı hədəf seçdiyini bildirib.
Fələstin xəbər agentliklərindən birinin hesabatına görə, Qəzzədəki Fələstin Səhiyyə Nazirliyi bildirib ki, sionist rejiminin ordusu Xan Yunisdəki İordaniya səhra xəstəxanasını hədəfə alıb və avadanlıqlarına zərər vurub.
Digər tərəfdən, Fələstin mənbələri bildiriblər ki, fələstinli qüvvələr Xan Yunisin şərqindəki bölgələrdə sionist hərbiçiləri ilə toqquşublar və bölgədə şiddətli partlayışlar baş verib.
Həmçinin xəbər mənbələri Qəzzə zolağının şimalında yerləşən Cəbaliya düşərgəsi yaxınlığında müqavimət qüvvələri ilə sionist hərbiçiləri arasındakı ağır toqquşmalar barədə məlumat veriblər.
Məlumatlara əsasən, sionist rejiminə məxsus tanklar və artilleriyalar da Cəbaliya yaxınlığındakı bölgələri güclü atəşə tutublar.
Xarici KİV-in veridiyi məlumata görə, Fələstin müqavimət qüvvələri şənbə günü (7 Oktyabr) Qəzzədən (Fələstinin cənubundan) sionist rejimin mövqelərinə qarşı “Əqsa Fırtınası” adlı qəfil əməliyyatlara başlayıb. Bu rejim öz məğlubiyyətinin əvəzini çıxmaq və müqavimət qüvvələrinin əməliyyatlarını dayandırmaq üçün Qəzzə zolağının bütün keçidlərini bağlayıb və bölgəni bombalayıb.
Əlaqədar xəbərlər
