Media mənbələri sionist rejiminin Xan Yunisdəki bir xəstəxananın ətrafına və “Dir əl-Bələh”-dəki yaşayış məntəqlərinə hücumu ilə bağlı məlumat veriblər. Bunun nəticəsində də onlarla dinc fələstinli şəhid olub və yaralanıb.
Xarici KİV-in bu barədə verdiyi məlumata görə, sionist rejiminin bombardmançıları Qəzzə zolağının cənubunda yerləşən Xan Yunisdəki Nasir Tibb Kompleksinin ətrafını bombalayıblar. Bu hesabata əsasən, sionist rejiminin qırıcıları, həmçinin Dir əl-Bələhdəki Fələstin vətəndaşlarının evlərini bombalayıblar.
Əl-Əqsa Şəhidləri Xəstəxanasının sözçüsü bu barədə bildirib ki, sionist rejiminin qırıcılarının Dir əl-Bələhdəki mülki şəxslərin evlərinə hücumunun ardınca, 45 fələstinli şəhid olub. O, həmçinin sionist rejiminin bu cinayəti nəticəsində digər onlarla fələstinlinin yaralandığını bildirib.
Sionist rejimi müvəqqəti atəşkəs bitdikdən sonra həqiqi üstünlük və obyektiv nailiyyət əldə etmək üçün yenidən Qəzzəyə qarşı hücumlara başlayıb ki, 2023-cü il Qəzzə müharibəsi onunçün acı sonluqla bitməsin. Amma bu dəfə reallıq silləsinin Netanyahu və İsrailin üzünə daha ağır şəkildə dəyməsi mümkündür.