Fələstin kanallarından biri hesabat verərək bildirib ki, sionist rejiminin ordusuna aid qırıcların Qəzzə zolağının müxtəlif bölgələrinə qarşı vəhşi hücumları ötən saatlar ərzində də davam edib.
Artıq xarabalığa çevrilmiş Qəzzə zolağının müxtəlif bölgələrinə qarşı sionist rejiminin ordusunun hava, yer və dəniz hücumları hələ də şiddətlə davam edir. Belə ki, sionist işğalçıları yaşayış mənzillərini və bir uşaq baxçasını bombalamaqdan əlavə, xilasetmə maşınlarını da hədəfə alırlar.
Bu qırıcılar Qəzzənin şimalında yerləşən Beyti Əhliyanın ətrafını bombalayıblar. Media mənbələri bildiriblər ki, sionist hərbiçiləri xilasetmə maşınlarına tərəf atəş açıb və onların Qəzzənin şimalında yerləşən Əs-Səbrə məhəlləsinə çatmasına mane olublar.
Həmçinin bildirilib ki, sionist işğalçıları Qəzzənin şimalında yerləşən Cəbaliya düşərgəsini fosfor bombaları ilə bombalayıblar. Bundan əlavə, hava hücumları, sionist rejiminin döyüş qayıqları Qəzzənin mərkəzindəki Ən-Nəsirat düşərgəsinin şimalında yerləşən Əz-Zəhra və Əl-Məğraqə sahillərini hədəfə alıblar.
Medialar səhər saatlarında şiddətli hücumlar və Qəzzə zolağının şimal bölgələrində ardıcıl partlayış səslərinin eşidilməsi barədə məlumat yayıblar. Qəzzə şəhərinin cənubunda yerləşən Əl-Birric düşərgəsindəki yaşayış mənzillərinin bombalanması zamanı çox sayda günahsız fələstinli şəhid olub.
Ən-Nəsirat düşərgəsindəki bir yaşayış mənzilinə qarşı olan bu bombardmanların təkcə birində azı 13 nəfər fələstinli şəhid olub.
Sionist rejiminin ordusuna aid qırıcılar bugün səhər saatlarına yaxın Xan Yunisdə yerləşən Əs-Sətrul-Ğarbiyy məntəqəsində bir uşaq baxçasını bombalayıblar. Qəzzənin cənubundakı Rəfəh şəhərində yerləşən Əl-Cəninə məhəlləsi də şiddətli şəkildə bombalanıb.
Sionist rejimi ordusunun artilleriyasının Qəzzə zolağının müxtəlif bölgələrinə qarşı hücumları da hava və dəniz hücumları ilə davam edib.