Sionist rejiminin cinayətlərinin davamında Xan Yunisdə 15 nəfər mülki şəxs şəhid olub və sionist mediyaları rejimin bir neçə hərbi qüvvəsinin Qəzzə zolağına məhdud şəkildə nüfuz etdiyini iddia ediblər.
Xarici KİV-in verdiyi məlumata görə, sionist rejiminin qırıcıları öz cinayətlərinə davam edib, Qəzzənin qərbində yerləşən “Əş-Şati” düşərgəsində bir məscidi və onun yaxınlığındakı yaşayış məskənlərini bombalayıblar.
Xəbər mənbələri bildiriblər ki, Qəzzə zolağının mərkəzində yerləşən “Deyr əl-Bələh”-in şərqində də iki əkinçinin maşını sionist qırıcılarının hədəfinə tuş gəlib və hər ikisi şəhid olub.
Tibbi mənbələrdən biri də bildirib ki, Xan Yunisdə yaşayış məntəqələrinin bombalanmasının ardınca, 15 nəfər şəhadətə çatıb.
Həmçinin İordan çayının qərb sahillərindəki “Qəlqiliyyə” şəhərində də bir fələstinli sionistlərin açdıqları atəş nəticəsində şəhid olub.
Digər tərəfdən də sionist rejiminin ordusuna aid radio iddia edib ki, sionist rejiminin piyada qüvvələri və zirehli maşınlar Qəzzə zolağına quru yoldan nüfuz edib və HƏMAS hərəkatına bağlı bir neçə yeri hədəfə alıblar.
Sionist rejiminin ordusuna aid radio iddia edib ki, sionist rejiminə bağlı Qrup 36 qüvvələri bir neçə saat Qəzzə zolağında olublar və növbəti saatlarda bu bölgəni tərk edəcəkləri gözlənilib.
Bəzi fələstinli mənbələr də bildiriblər ki, bəzi sionist qüvvələri gecə ikən Qəzzənin şimalında yerləşən “Beyti Hanun” məntəqəsinin ətrafına və Əl-Bəric düşərgəsinə çox məhdud şəkildə nüfuz edib.
Bundan əvvəl Daxili İşlər Nazirliyi (dünən bildirmişdi) ki, sionist rejiminin bu zolağa olan hücumlarında ötən 24 saat ərzində 481 nəfər şəhid olub.
Bu hesabata əsasən, 7 Oktyabr tarixindən etibarən Qəzzədə şəhid olanların sayı 7028 nəfərə çatıb və onların 2913 nəfəri uşaqlardır.
Xaici KİV-in verdiyi məlumata görə, bundan əvvəl də Qəzzənin Əmək və Mənzil naziri sionist rejiminin bu zolağa qarşı vəhşicəsinə olan hücumları nəticəsində Qəzzə zolağında 200 min yaşayış mənzilinin dağıdılması barəsində xəbər vermişdi.