Qəzzədəki xəstəxana resursları sionist rejiminin əhalinin sıx məskunlaşdığı Əş-Şati düşərgəsindəki yeni cinayətlərində 10 nəfərin şəhid olduğunu və 50 nəfərin yaralandığını bildiriblər.
Qəssam batalyonlarının 2 nəfər xəstə sionist əsirinin azad olunmasında göstərdikləri humanist addımdan biraz sonra, işğalçılar Qəzzə zolağının bombalanmasını şiddətləndirib və Qəzzədə əhalinin sıx məskunlaşdığı Əş-Şati düşərgəsində növbəti cinayət törədiblər. Nəticədə, 10 nəfər fələstinlinin şəhid olduğu və digər 50 nəfərin yaralandığı bildirilib.
Qəzzədəki xəstəxana resursları sionist rejiminin bu yeni cinayətində şəhid olanların sayının artmaqda olduğunu bildiriblər.
Sionist qırıcıları, həmçinin digər məntəqələri də bombalayıblar. Amma hələlik bu hücumlarda şəhid olanların və yaralananların sayı haqda məlumat əldə edilməyib.
Digər tərəfdən də Əş-Şifa xəstəxanasının direktoru Dr. Muhəmməd Əbu Səlimə bildirib ki, son 24 saat ərzində 200-dən çox fələstinli bir neçə qətliam əməliyyatlarında şəhid olub.
Hal-hazırda Qəzzə zolağında olan xəstəxənalar keyidici və narkoz çatışmazlığa görə, əməliyyatları narkozsuz həyata keçirirlər. Bu da bəzən yaralıların, xüsusən də uşaqların şəhadəti ilə nəticələnir.