İspaniyanın Sosial Hüquqlar naziri bildirib ki, sionist rejiminin Qəzzədəki rəftarı, yüz minlərlə insanın su, qida və elektrik enerjisindən məhrum etməsi “hərbi cinayət və planlaşdırılmış soyqırım” kimi tanıtdırıla bilər.
Xarici KİV-in verdiyi məlumata görə, İspaniyanın Sosial Hüquqlar naziri İone Belarra çıxışında Qəzzədə bu günlərdə baş verən hadisələrə reaksiya verərək bildirib ki, sionist rejimi Qəzzə sakinlərinə qarşı kütləvi cəzalandırmaya əl atıb.
Verilən məlumata əsasən, o, deyib: “İsrail yüz minlərlə insanı susuz, qidasız və elektriksiz qoyub və mülki şəxləri bombalayır. Bu da kütləvi cəzalandırma və beynəlxalq qanunların təhlükəli pozuntusudur. Onu hərbi cinayət və soyqırım saymaq olar”.
Belarra, həmçinin demişdi ki, Benyamin Netanyahu Beynəlxalq Cinayət Məhkəməsinə (Haaqada yerləşən) təhvil verilməlidir. İspaniyalı nazir deyib: “Qəzzə sakinləri ABŞ və Avropanın dəstəyi ilə soyqırıma məruz qalıblar və mən bu şəraitə qarşı olduğumu bildirmək istəyirəm”.
İspaniyanın Sosial Hüquqlar naziri Avrop İttifaqının və ABŞ-ın öz düşmənçilik siyasətlərinin davamı üçün İsraili təşviq etdiyini bildirib.
İspaniyanın baş naziri də şənbə günü axşam münaqişələrin sona çatması üçün iki dövlətli həll yolunun rəsmi şəkildə tanınmasını və Fələstin ölkəsinin qurulmasını istəyib. O, bildirib ki, bu həll yolu olmadan fələstinlilər və israillilər heç vaxt sülh şəraitində bir-birinin kənarında yaşamayacaqlar.
Bu arada Oktyabrın 15-i yüzlərlə insan İspaniyanın paytaxtı Madriddə küçələrə çıxıb və işğalçı rejimin Qəzzədəki cinayətlərini pisləyib. Bu nümayişdə hakim koalisiyanın nümayəndələri də iştirak edib. Madrid şəhərindən əlavə, İspaniyanın digər bir neçə şəhəri də sionsitlərin cinayətlərinin pislənilməsinə aid müxtəlif toplantılara şahid olub. Onlar İsrail rejimi ilə əlaqələrin kəsilməsini və Avropa İttifaqının mövqelərinə nifrət etdiklərinin elan olunmasını istəyiblər.