Sionist rejiminin təyyarələri Rəfəh vilayətinin şərqində və Qəzzə şəhərində Fələstin müqavimətinə aid iki yeri bombalayıblar.
Həftənin çərşənbə axşamı günü sionist rejiminin, Qəzzə zolağı əhalisinin mühasirə olunmasına və Fələstin xalqına qarşı işğalçı cinayətlərin davamına etiraz olaraq Qəzzə zolağının şərqindəki müxtəlif yerlərdə ardıcıl olaraq 11-ci gün baş tutan fələstinlilərin dinc yürüşlərinə hücumunun ardınca, bu rejimin qırıcıları da çərşənbə günü axşam Rəfəh vilayətinin şərqində və Qəzzə şəhərində Fələstin müqavimətinə aid iki yeri bombalayıblar.
Sionist rejiminin Qəzzə zolağının şərqindəki dinc yürüşləri hədəfə almasının ardınca, bir sıra vətəndaş atəş açılması və gözyaşardıcı qazın atılması nəticəsində yaralanıb, bəziləri də boğulub.
Yerli mənbələrin sözlərinə görə, işğalçı hərbiçilər Qəzzə şəhərinin şərqində və Qəzzə zolağının cənubundakı Rəfəh vilayətinin şərqində ayırıcı divar yaxınlığında nümayiş keçirən onlarla fələstinli gəncə atəş açıb, gözyaşardıcı qazlar atıblar. Nəticədə, vətəndaşların bəzisi güllə yarası alıb, bəzisi də boğulma hissi keçirib.
Fələstin Səhiyyə Nazirliyi Qəzzə zolağının şərqində sionist rejimin hərbiçilərinin açdıqları atəş nəticəsində 11 nəfər Fələstin vətəndaşının yaralaması barədə məlumat verib.