BMT işğalçı rejimin rəsmilərindən Əl-Xəlil şəhərində bir yaşayış binasına hücum zamanı 5 fələstinli qadının məcburi olaraq soyundurulması ilə bağlı araşdırılmanın aparılmasını tələb edib.
Xarici KİV-in verdiyi məlumata görə, BMT-nin sözçüsünün müavini Fərhan Haq çərşənbə günü (dünən) mətbuat konfransında deyib: Biz hər növ kollektiv cəza qarşısında dayanacağıq.
Haq əlavə olaraq deyib: İsrailli qadın hərbiçilərinin 5 fələstinli qadını itlərlə təhdid etdikləri halda onları soyunmağa məcbur etdikləri hadisə diqqətli araşdırılmalıdır.
Çərşənbə axşamı günü insan haqları hesabatı dərc olunub və 10 İyul tarixində baş vermiş hadisədə fələstinli 4 qadın və 1 qıza qarşı olunan hörmətsizliyin təfərrüatları üzə çıxıb.
Bu hesabat qadınların öz ifadələri əsasında hazırlanıb və bu hadisə qəzəbli reaksiyalara səbəb olub.
Bu insan haqları hesabatında Əl-Xəlildən olan Mənal əl-Cəbəri adlı bir araşdırmaşı qadın iki sionist hərbiçisinin ötən İyul ayının 10-da Əl-Xəlildəki əl-Əcluni ailəsinin mənzilinə girməsi barədə hesabat dərc edib.
Bu hesabatda aşkar şəkildə deyilir ki, sionist hərbiçiləri gecə yarısı bu mənzilə hücum edərək 53 yaşlı ana İfaf əl-Əcluni, qızı Zeynəb və gəlinlərini uşaqlarının gözü önündə soyunmağa məcbur ediblər. Daha sonra itlərini onların canına salıblar.
Bildirilir ki, bu iki hərbiçinin dəbilqələrində kamera olub və bu, o deməkdir ki, bu hörmətsizliyi bütün təfərrüatları ilə qeydə alıblar. Onlar bu hərəktlə bu ailənin şəxsi həyatını bilərəkdən pozublar və ola bilsin məqsədləri sonradan ailəni şantaj etmək üçün yaxud sosial şəbəkələrdə yaymaq üçün bu filmdən istifadə etmək olsun.