Cenin şəhərində yaşayan fələstinlilər sionist hərbiçiləri tərəfindən 3 nəfər fələstinli gəncin terrora məruz qalaraq şəhid edilməsini pisləyərək geniş nümayişlər keçiriblər.
Fələstin Səhiyyə Nazirliyi həftənin bazar günü bildirib ki, Mədəni İşlər üzrə Komitənin rəsmi hesabatına əsasən, Cenin şəhərinin cənubunda yerləşən Ərabə meydanı yaxınlığında sionist hərbiçiləri tərəfindən maşınlarının atəşə tutulması səbəbilə 3 nəfər fələstinli gənc şəhid olub.
Bu üç nəfər Cenin döşərgəsindən olan “Nayif Əbu Suveys”, “Lui Əbu Naisə” və Cəlqmus məntəqəsindən olan “Bərra əl-Qaram”-dır.
İsrail mediyaları da terror əməliyyatının İsrail ordusunun xüsusi bölməsi tərəfindən həyata keçirildiyini bildirib.
Fələstinli mənbələr bildiriblər ki, işğalçı rejim qüvvələri yardım maşınlarının əməliyyat yerinə daxil olmasına mane olublar. Şəhidlərin cəsədlərini yanlarında saxlamaq üçün fələstinli şəhidlərin maşınını Cenin şəhərindən kənara aparıblar.
Şahidlər bildiriblər ki, sionist rejimi geniş hərbi təchizatları bölgəyə yerləşdirdiyi halda fələstinli şəhidlərin bədənləri maşında qalıb.
İsrail rejiminin ordusu iddia edib ki, şəhid Əbu Suveys İordan çayının qərb sahillərində müqavimət dəstəsinin rəhbəri olub və bu üç döyüşçünün maşınından bir neçə ədəd “M 16” tüfəngi tapılıb.
Fələstin müqavimət qrupları Cenində 3 döyüşçüyə qarşı törədilmiş terror cinayətinin cavabının çətin və ağrılı olacağı ilə işğalçı rejimi hədələyiblər.