Fələstin Qırmızı Aypara Cəmiyyəti sionist hərbiçilərinin İordan çayının qərb sahillərində yerləşən Nablus şəhərinə hücumları zamanı, bir fələstinlinin şəhid olması və azı 18 nəfərin yaralanması barədə məlumat verib.
Xarici KİV-in verdiyi məlumata görə, Fələstin mediyaları cümə axşamı günü sübh vaxtı, yüzlərlə sionist köçkünün rejimin hazırlıqlı və silahlı hərbiçilərinin müşaiyəti ilə Nablusun şərqində yerləşən Hz.Yusif (ə) məqbərəsinə hücum etməsi barədə xəbər veriblər.
Fələstinli gənclər və müqavimət qruplarının döyüşçüləri də işğalçıların Nablusa daxil olmalarına qarşı silahlı mübarizə aparıblar. Terrorçu sionist rejiminin hərbiçiləri də onlara tərəf atəş açıb və göz yaşardıcı qaz atıblar.
Fələstin Qırmızı Aypara Cəmiyyəti bu qarşıdurmalar barəsində deyib ki, işğalçı qüvvələrin Nablusun şərqinə hücumları zamanı 4 fələstinli həqiqi güllə ilə yaralanıb və onlardan ikisinin vəziyyəti ağırdır. Həmçinin 15 qazdan boğulma halı qeydə alınıb.
Nablus batalyonu İslami Cihad Müqavimət Hərəkatının hərbi qolu olan Səraya əl-Qüdsün bir bölməsi olaraq verdiyi bir bəyanatda deyib ki, fələstinli döyüşçülər Hz. Yusifin (ə) məqbərəsi olan bölgəyə hücum edən sionist hərbiçiləri və köçkünləri ilə toqquşublar.
Hücumdan bir müddət sonra Fələstin Qırmızı Aypara Cəmiyyəti terrorist sionistlərin açdıqları atəş səbəbilə aldığı yaralar nəticəsində fələstinli bir gəncin şəhid olması barədə xəbər verib.
Bundan əvvəl də sionist hərbiçiləri Nablus şəhərində bir evə hücum etməklə, 2 nəfər fələstinli gənci şəhid etmiş və digər 2 nəfəri isə yaralamışdılar.
Fələstin İnformasiya Mərkəzi bildirib ki, cari ilin əvvəlindən indiyədək, 206 fələstinli, işğalçı sionist ordusunun hücumlarında ya da şəhadət tələb əməliyyatlarda şəhid olub.