Həkimlər sendikatının məhdud tətilə qoşulması və fövqəladə vəziyyətin elan olunmasıyla, işğal altındakı torpaqlarda Netanyahu əleyhinə etirazlar artmaqdadır. Etirazçılar eyni zamanda parazit günü adlandırdıqları gündə ictimai və sürətli qatar stansiyalarına hücum ediblər.
Xarici KİV-in verdiyi məlumata görə, parazit günü (çərşənbə axşamı günü), bu islahatların dayandırılması üçün təzyiq göstərən işğal altında olan torpaqlardakı etirazçıların Netanyahunun məhkəmə islahatları və onun hökumətinə etiraz əlaməti olaraq adlandırdıqları gün idi.
Etirazçılar həmin gün ictimai və sürətli qatarların hərərkətini dayandırıb, bəzi əsas küçə və yolları bağlayıblar.
Siyasi analitik Fəras Yaği deyib: Bu boşluq daha da artacaq. Çox aydındır ki, bu hökumət camaatı fikirləşmir, onların sözlərinə qulaq asmır və bütün siyasətlərini qabağa aparmaq niyyətindədir. Çünki, Netanyahu hakimiyyəti “məntiqsizlik” prinsipi üzərində möhkəmlənib.
Müxbirlərdən biri deyib: İşğal altında olan torpaqlardakı etirazların artmasıyla, həkimlər sendikatı məhdud tətilə qoşulub və fövqəladə vəziyyət elan edib. Bu tətil müxtəlif bölgələrdə geniş nümayişlərin keçirildiyi, işğal olunmuş Qüdsdə və digər bölgələrdə yüz minlərlə etirazçının orada iştirak etdiyi bir vaxtda baş verib. Bu etirazlar Tel-Əviv və Hayfaya da çatıb. Etirazçılar vurğulayıblar ki, təhlükəsizlik qüvvələri tərəfindən etirazların yatırılmasına baxmayaraq, Netanyahu və tərəfdaşlarının məhkəmə islahatları layihələrinin dayandırılması üçün tələblərinin həyata keçəcəyi vaxta qədər etiraz və tətilləri davam etdirəcəklər.
İsrail məsələləri üzrə mütəxəssis Məhəmməd Zəhikə deyib: Ötən gün baş verən hadisə və həkimlərin radikal sağçı hökumətin siyasətləri ilə müxalifətdə tətilə qoşulmaları çox mühümdür. Bu, onu göstərir ki, etirazların artması və etirazçıların yerli hərəkatlara qoşulması üçün digər sahələr möcvuddur. Bu da sonda işğal altında olan torpaqlardakı daxili itaətsizliklə nəticələnə bilər. Əgər Netanyahu öz radikal siyasətlərindən geri çəkilməsə, qəti olaraq onun hökumətini ciddi təhdidlə üz-üzə qoyacaq.
Eyni zamanda işğalçı rejimin Baş Qərargah rəisi Herzi Halevi rejimin xarici işlər və təhlükəsizlik komitəsinin iclasında deyib: Hərbi xidmətdən boyun qaçırmaq istəyən hər bir kəs, İsrailin və ordunun təhlükəsizliyinə zərər yetirəcək.