Fələstinin “Əsir” cəmiyyəti bildirib ki, işğalçı rejim ordusu işğal olunmuş İordan çayının qərb sahillərində azı 35 nəfəri həbs edib. Həbs olunanlar arasında Əl-Muğir şəhərindən olan bir əsirin həyat yoldaşı və oğlu da olub.
Fələstinin “Əsir” cəmiyyəti verdiyi bir bəyanada deyib: “İşğalçı rejim qüvvələri cümə axşamı günü səhər saatlarında, İordan çayının qərb sahillərində həbslərə başlayıblar. Azı 35 nəfəri, o cümlədən keçmiş məhbusları, bir əsirin həyat yoldaşı və oğlunu həbs ediblər. Həbslərin çoxu Beyti Ləhmin ətrafındakı Tuqu şəhərində baş verib.
Bu hesabata əsasən, digər 23 nəfər də həbs olunub, amma işğalçı qüvvələrin düşərgələrindən birinə köçürüldükdən sonra azad ediliblər və yerindəcə dindiriliblər. Həmçinin, bir neçə fələstinli də Ramullahın Əl-Muğir, Əl-Xəlilin Beyti əmr, Sələfiyyətin Kəfli Haris və Ceninin Qubatiyyə məntəqələrində həbs edilib.
“Əsir” cəmiyyəti, işğalçı rejim qüvvələri tərəfindən övladlarını təzyiq altında saxlayaraq təslim olmaları məqsədi ilə valideynlərinin həbsinin artmasını vurğulayaraq deyib: Bu üsul, vətəndaşları əziyyət etmək və hədəf seçmək üçün işğalçıların ən qabarıq alətlərindən biridir.
Sözlərinin davamında deyib: Cari ilin əvvəlindən 3000 həbs qeydə alınıb. Bu, hər növ qarşıdurma vəziyyətinin intensivləşməsini zəiflətmək üçün sionist qüvvələri tərəfindən istifadə olunan ən qabarıq sabit və sistematik siyasətlərdən biridir. Vətəndaşları hədəf seçməkdə işğalçıların əsas aləti, ən qabarıq siyası alətlərdən biri olan kollektiv cəzadır. Bundan əlavə, işğalçı hakimiyyət insanları həbs etməklə vətəndaşlara daha çox nəzarət etmək fikrindədir.
Cümə günü səhər saatlarında, işğalçı sionist qüvvələri Cenin şəhərinin şimal-şərqində yerləşən Qəfuə, Əranə, Ərbunə və Əl-Cəlmə kəndlərinə hücum ediblər.
Xarici KİV-in təhlükəsizlik mənbələrinə istinadən verdiyi məlumata görə, sionist rejiminin işğalçı qüvvələri bu kəndlərdə təmizləmə əməliyyatlarına başlayıblar. Əl-Cəlmədə işğalçı qüvvələr tərəfindən divar inşa edildikdən sonra kəndin girişində gənclərlə işğalçı qüvvələr arasında qarşıdurma baş verib.
Təhlükəsizlik mənbələri əlavə ediblər: İşğalçı qüvvələr ötən gecə Cenin şəhərinin cənub-qərbində yerləşən Yəbəd şəhər sakini gənc İmran Raid Ətatərəhi, Şafi Şəmrun şəhərciyi yaxınlığındakı Cenin-Nablus şossesində yerləşən hərbi nəzarət məntəqəsindən keçərkən həbs ediblər.