İordan çayının qərb sahillərinin müxtəlif bölgələrində sionistlərin qəsəbəsalma layihəsinə qarşı etiraz nümayişlərini yatızdırmaq istəyən sionist rejimi hərbiçiləri ilə toqquşmada dünən 15 yaşlı bir yeniyetmə şəhid edilib və digər onlarla insan isə güllə yarası alıb.
Yerli mənbələrdən bəziləri Beyti Ləhmin şərqindəki tarixi məntəqə olan Təqəvvoda baş verən toqquşmada işğalçı qüvvələrin açdığı atəş nəticəsində (15 yaşlı) “Mustafa Amir Sabah”-ın şəhədət xəbərini veriblər.
Həmçinin, sionist rejiminin qəsəbəsalma layihəsinə qarşı həftəlik nümayişlərin yatızdırılması zamanı fələstinlilərlə sionsit hərbiçiləri arasında baş verən dünənki toqquşmalarda onlarla fələstinli yaralanıb və boğulma ilə üzləşiblər.
Qəlqiliyyədə Kəfər Qədum qəsəbəsalma əleyhinə həftəlik nümayişlərin sionist hərbiçiləri tərəfindən yatızdırılması və 20 ilə yaxın bağlı qalan prospektin açılmasının tələb olunması zamanı, 4 vətəndaş, o cümlədən bir jurnalist atılan plastik güllələr nəticəsində yaralanıb və onlarla insan boğulma ilə üzləşib.
Sionist hərbiçiləri, Qəlqiliyyənin şərqindəki Kəfər Qədum kəndinin ərazisinə işğalçı hərbiçilərin və köçkünlərin təcavüzkar addımlarını işıqlandıran Fələstin TV komandasını hədəfə alıblar. Nəticədə, Fələstin TV-nin kameramanı Məhəmməd İnabə yaralanıb.
Radio və Televiziya Təşkilatı bildirib: Sionist qüvvələrinin rəsmi mediya qruplarının təqib olunması, fələstinlilərin görüntüləri və səslərinin yayılmasının qarşısının alınması üçün mütəmadi səyləri və mediya nümayəndələrinin onların səsini bütün dünyaya çatdırmaq üçün gecə-gündüz səyləri qarşsının alınması zəmnindəki siyasətlərinin bir hissəsi olaraq, qrupun avadanlıqlarını, xüsusun də kameralarını dağıdıblar.
Nablusun şərqindəki Beyti Dəcndə də həftəlik yürüşlər səbəbiylə bəzi Fələstin vətəndaşları işğalçı israilli hərbiçilər tərəfindən yaralanıblar ya da göz yaşardıcı qazın buruna getməsi nəticəsində boğulma ilə üzləşiblər.
Bəzi tibbi resurslar bildiriblər ki, 2 mülki şəxs rezin örtüklü metal güllə ilə biri sinə, digəri isə ayaq nahiyəsindən yaralanıb və onlarla insan boğulma halı ilə üzləşib.