Sionist rejimi hərbiçiləri bugün, həftənin bazar ertəsi günü səhər saatlarında Məscidul-Əqsaya hücum ediblər və dua, münacat etmək üçün məscidə gələn etikaf saxlayan (dini ayin) fələstinliləri, silah gücünə “Əs-Silsilə” qapısından çıxarıblar.
İşğal olunmuş Qüdsün “Hittə qapısı” bölgəsində də israilli hərbiçilər fələstinlilərin evlərinə hücum ediblər və əhali ilə sionist hərbiçiləri arasında qarşıdurma yaranıb.
Yerli mənbələr bildiriblər ki, bu qüvvələr bir neçə dəfə fələstinlilərin evlərinə ziyan vurublar.
Xatırlatmaq lazımdır ki, ötən gün səhər saatlarında təxminən 50 israilli hərbiçi Məscidul-Əqsaya hücum edib və Məscidul-Əqsanın müqəddəs ərazisini təhqir etməklə etikaf saxlayanları oradan çıxarıb, onların məscidə qayıtmalarına mane olub.
İşğalçı rejimin əsgərləri zorakılıqla namaz qılanlara, o cümlədən qadınlara hücum ediblər və Fələstin vətəndaşlarının bəzilərinin telefonunu müsadirə etməyə cəhd göstəriblər.
Ötən gün səhər də sionist köçkünlərindən bir qrupu sionist rejimi polisinin güclü dəstəyi ilə Məscidul-Əqsaya hücum edib və təhric edici hərəkətlərlə Təlmud mərasimi ica ediblər.