Bu gün (cümə axşamı günü) sionist rejimi qüvvələri İordan çayının şimal-qərbində yerləşən Tülkərəm şəhərinə hücum etməklə “Əmir Əbu Xədicə” adlı (25 yaşlı) fələstinli bir gənci sui-qəsd nəticəsində şəhid ediblər.
Xarici KİV-in verdiyi məlumata görə, sionist rejimi hərbiçilərinin atdığı bir neçə güllə Əbu Xədicənin başına dəydikdən sonra o, fasiləsiz olaraq şəhadətə çatıb. Bu cavan, “Tülkərəm Müqavimət Batalyonu”-nun yüksək rütbəli qüvvələrindən biri idi.
Sionist rejimi hərbiçiləri bu fələstinli gənci Tülkərəmin şərqindəki (İordan çayının şimal-qərbində) “Əzbe Şufe” kəndində şəhid ediblər.
Verilən məlumata əsasən, sionist rejiminin xüsusi qüvvələri Tülkərəmə hücum zamanı bildiriblər ki, məqsədləri Əbu Xədicəni sui-qəsd etməkdir. Halbuki, bu rejimin ordusu məqsədin onun həbs olunması olduğunu iddia edib, amma Əbu Xədicə müqavimət göstərdiyinə görə, hərbiçilər onu öldürməyə məcbur olublar.
Eyni zamanda şahidlər bildiriblər ki, İsrail xüsusi qüvvələri ona qarşı sui-qəsd etmək fikrində olublar. Buna görə də birbaşa bu fələstinli gəncin başına atəş açıblar.
Bu hesabata əsasən, cari ilin əvvəlindən bu günə kimi fələstinli şəhidlərin sayı 90 nəfərə çatıb.