Sionist rejiminin radikal kabinetinin qalmaqallı addımlarına etiraz edən yüzlərlə etirazçı dünən, Londonun mərkəzi küçələrində nümayiş keçiriblər və rejimin baş naziri Netanyahu əleyhinə şüarlar səsləndiriblər.
İngiltərə xalqının müxtəlif təbəqələrindən olan 1 500-dən çox insanın anti-sionizm yəhudiləri ilə çiyin-çiyinə iştirak etdiyi bu etirazda, etirazçılar İngiltərə Parlamentinin önündə mitinq keçirərək “cinayətkarın yeri zindandadır, hökumətdə yox” şüarı səsləndiriblər.
Bu, Netanyahu kabinetinin Məhkəmə İslahatları layihəsi əleyhinə Londonda keçirilən ikinci nümayiş hesab olunur. Etirazçılar ötən ay da sionist rejiminin Londondankı səfirliyi qarşısında toplaşıblar və şüarlar səsləndirməklə işğal olunmuş Fələstində Məhkəmə İslahatları layihəsini pisləyiblər.
İşğal olunmuş ərazilərdə yaşayanların “konstitusiya çevrilişi” adlandırdıqları “məhkəmə haqqında qanuna dəyişiklik” kimi tanınan Netanyahu kabinetinin layihəsi, rejimin məhkəmə sisteminin səlahiyyətlərini azaldacaq. Bunun müqabilində isə rejimin icra və qanunvericilik qüvvələrinin qüdrəti çoxalacaq.
Bu layihədə həmçinin, sionist rejiminin Nazirlər kabinetinin məhkəmə müşavirinin və bu rejimin digər nazirliklərinin məhkəmə müşavirlərinin səlahiyyətləri alınacaq. Nazir, istədiyi hər bir məhkəmə müşavirini öz ofisinə təyin etmək yaxud ofisindən çıxarmaq imkanına malik olacaq.
Bu layihə, yenicə keçirilmiş Knessetin iclasında birinci oxunuşda 63 lehinə və 47 əleyhinə rəylə təsdiqlənib. Adı çəkilən layihənin qanunla qəbul olunması üçün, gərək ikinci və üçüncü oxunuşlarda da səsə qoyulsun, ixtisaslaşmış komissiyalarda səs toplasın. Əgər sonda qəbul edilərsə, qanuna çevriləcək.
İllərdir fəsad, rüşvət və əmanətə xəyanət ittihamları ilə məhkəmə nəzarəti altında olan Netanyahu, “məhkəmə sistemində islahatlar” adlandırdığı layihə ilə məhkəmədən qaçmaq fikrindədir.
Ötən həftələrdə işğal olunmuş Fələstinin cənubundan şimalına qədər onlarla şəhər, o cümlədən Tel-Əviv, Hayfa, işğal olunmuş Qüds, Birus-səb, Rişon Letsion, Herzliya ifratçı sağçı kabinet əleyhinə nümayişlər üçün səhnəyə çevrilmişdilər.
Ölkənin Parlament binasının qarşısındakı mitinqdə iştirak edən İngiltərə Fəhlə Partiyasının nümayəndəsi Marqart Hac, deyib: “Dünyada heç bir etibarlı dekomratiya, məhkəmə sisteminin müstəqilliyini zəiflətmir.”
Son aylarda İngiltərədə İsrail əleyhinə etirazlar sionist rejiminin məzlum Fələstin xalqına qarşı hücumalarının çoxalması səbəbiylə artıb.
Əlaqədar xəbərlər
