1948-ci ildə işğal olunmuş ərazilərdə yerləşən sionist köçkünləri şənbə günü axşam yenidən nümayiş keçirməklə Netanyahu kabinetinin Məhkəmə İslahatları layihəsini pisləyiblər.
Bu nümayiş, işğal olunmuş ərazilərdə yerləşən “Vadi Are” bölgəsindəki “65” prospektinin “Kərkur” dörd yol ayrıcına yaxın bir yerdə keçrilib.
Əllərində plakatlar tutan etirazçılar bu layihə əleyhinə şüarlar səsləndirərək onun Knessetdə (sionist rejiminin parlamenti) qəbul olunması prosesinin dayandırılmasını tələb ediblər.
Ötən həftələrdə işğal olunmuş Fələstinin cənubundan şimalına qədər onlarla şəhər, o cümlədən Tel-Əviv, Hayfa, işğal olunmuş Qüds, Birus-səb, Rişon Letsion, Herzliya ifratçı sağçı kabinet əleyhinə nümayişlər üçün səhnəyə çevrilmişdilər.
Bu nümayiş, Netanyahunun başçılıq etdiyi ifratçı sağçı kabinetlə sionist rejiminin keçmiş baş naziri “Yair Lapid”-in rəhbərlik etdiyi Müxalifət Partiyası arasında şiddətli mübahisə sayəsində keçirilib.
Sionist rejiminin müxalifət liderləri Netanyahu kabinetinin Məhkəmə İslahatlarını Məhkəmə sisteminin zəifləməsi, Netanyahunun korrupsiya və rüşvətlə bağlı öz mühakiməsinin qarşısını almaq üçün atılan bir addım olduğunu bildiriblər. Onlar inanırlar ki, Nazirlər kabinetinin bu addımları sionist rejimini qarşıdurmaya, daxili müharibəyə və tədrici süquta aparacaq.
