Sionist rejiminin radikal Daxili Təhlükəsizlik naziri, qalmaqallı və gərginlik yaradan addımlarının davamında bu dəfə mübarək Ramazan ayında Fələstin vətəndaşların evlərinin dağıdılmasını tələb edib.
Xarici KİV-in verdiyi məlumata görə, sionist rejiminin Daxili Təhlükəsizlik naziri İtemar bin Gvir, rejimin polisinə “qanunsuz tikili” bəhanəsi ilə mübarək Ramazan ayında fələstinlilərin evlərinin dağıdılma prosesinə davam etməsinə dair əmr verib.
Bu radikal nazir, həmçinin, deyib: Biz Ramazan ayına görə öz həyatımızı dəyişməməliyik.
Sionist mediyaları da bu barədə hesabat verərək bildiriblər ki, təhlükəsizlik qrumlarının belə addımların nəticələri və təhlükələri barədə xəbərdarlıq etmələrinə rəğmən, işğalçı rejimin polisi, bin Gvirin bu göstərişini yerinə yetirmək üçün hazırlıq görürlər.
Bundan əvvəlki illərdə sionist rejiminin hakimiyyət orqanları toqquşmaların qarşısını almaq məqsədi ilə mübarək Ramazan ayı ərzində fələstinlilərin evlərini dağıtmaqdan çəkinirdilər.
Sionist rejiminin Daxili Təhlükəsizlik naziri, bundan öncə də işğal olunmuş Qüdsün şərq hissəsində fələstinlilərin evlərinin dağıdılma prosesinin sürətləndirilməsini tələb etmişdi.
İşğal altındakı torpaqlar, son bir neçə həftə ərzində İsrail rejiminin hərbiçilərinin fələstinlilər olan bölgələrə hücumlarının və onların evlərinin bəzilərinin “lisenziyasız tikilmə” bəhanəsi ilə dağıdılmasının ardınca gərginliyin şahidi olub.
Sionist rejimi, işğal olunmuş Qüds şəhərinin daha çox yəhudiləşdirilməsi və onların islami, məsihi kimliyini aradan aparmaq üçün bu şəhərin fələstinli, məsihi vətəndaşlarının evlərini daha çox müsadirə edib qəsb etmək yolunda çalışır.
