Suriya Xarici İşlər Nazirliyi bugün (19 Fevral) sionist rejiminin Dəməşqdəki mülki obyektlərə hücumu barədə bəyanat verərək bu hadisəyə reaksiya göstərib və bildirib ki, sionist rejiminin bu cinayətləri Suriyanın son zəlzədən sonra yaralarının sağalması, şəhidlərinin dəfn olunması ilə məşğul olduğu, həmçinin beynəlxalq dəstəkləri qəbul etməli olduğu bir vaxtda baş verib.
Suriya Xarici İşlər Nazirliyi bildirib ki, sionist rejiminin bu təcavüzü Suriyanın mülki obyektlərini, o cümlədən evlər, xidmət mərkəzləri, hava limanları və gəmi limanlarını hədəfə almaq və zəlzələ faciəsindən əziyyət çəkən Suriya xalqı arasında xoas yaratmaq çərçivəsindədir.
Bəyanatın ardında deyilir: “Bu təcavüz, Homs əlayətinin şərqində onlarla vətəndaşın şəhid edilməsi ilə nəticələnən İŞİD-in təcavüzləri ilə eyni zamanda baş verib.”
Bəyanata əsasən, Suriyanın, Millətlər Təşkilatı və Təhlükəsizlik Şurasından gözləntisi budur ki, İsrailin bu təcavüzlərini, cinayətlərini pisləsinlər, cinayətkarların istintaqa cəlb olunaraq cəzalanmaları üçün lazım olan işləri görsünlər və belə hadisələrin təkrar olunmasının qarşısının alsınlar.
Bəyanatın sonunda deyilir: “ Bu terrorist rejimin vəhşicəsinə təcavüzlərinin, cinayətlərinin davamı, Fələstin və Suriya xalqlarına qarşı işğalçılıq siyasəti yürütməsi, regionun sülh və təhlükəsizliyinə açıq təhdiddir. İsrailin Suriya torpaqlarındakı təcavüzkar addımların dayandırılması üçün təcili beynəlxalq addımların atılması lazımdır.”
Xarici KİV, bazar günü səhər saatlarında Dəməşq səmasında dəhşətli partlayış səslərinin eşidilməsi və onun araşdırılması barəsində xəbər verib.
Sionsit mediyaları da Dəməşq səmasında dəhşətli partlayış səslərinin eşidilməsi bildirərək deyiblər ki, Dəməşqdə cənubi Rifdəki hədəflərə hücum olunub.
Bəzi ərəb mənbələri Livanın cənubunda səmada uşaq qatili sionist rejiminin döyüş təyyarələrinin uçuşuna işarə edərək bildiriblər ki, Suriyanın havadan müdafiə sistemi işğal olunmuş Colandan və Tiberias gölü tərəfdən atılan ardıcıl raket dalğalarını dəf edib. Daha sonra yerli mediyalar Dəməşqin cənub Rifində yerləşən Kəfrsouse bölgəsində bir binanın sionist rejiminin atdığı raketlərin hədəfinə çevrilməsi barədə xəbər veriblər.
Bu hücumlarda qurbanların sayının 5 şəhid və 15 yaralı olduğu bildirilib.
