Fələstinli mənbələr dünən sübh, sionist işğalçılarının Cenin düşərgəsinə hücumu və Müqavimət qüvvələri ilə şiddətli toqquşmaları barədə xəbər veriblər.
Sionist rejimi qüvvələri çərşənbə günü gecə və dünən səhər (cümə axşamı günü) İorda çayının qərb sahilləri və işğal olunmuş Qüdsün müxtəlif məntəqələrinə hücum və yoxlanış əməliyyatlarına başlayıblar. Bu hücumlar bəzi məntəqələrdə toqquşmalara səbəb olub. Sionist qüvvələri xalq müqavimətində iştirak etmə bəhanəsi ilə bir neçə fələstinlini həbs ediblər.
Bu hücumlar Cenin, Beyt-Ləhm, Ramullah və işğal olunmuş Qüdsdə baş verib. Bunun ardınca da onlarla ev axtarışa məruz qalıb.
Başqa bir tərəfdən də işğalçılardan bir çoxu ağır avadanlıqlarla Cenin şəhərinə hücum edib, Müqavimət qüvvələri və sionist qüvvələri arasında şiddətli toqquşma baş verib. Nəticədə, sionistlərin atdığı güllə ilə bir fələstinli gənc yaralanıb. İşğalçılar Qırmızı Aypara Cəmiyyəti tərəfindən bu gəncə ilkin yardım göstərilməsinin qarşısını alıblar.
Saat 10:30- Fələstin Səhiyyə Nazirliyi, şəhid olanların sayının 3-ə çatdığını xəbər verib. Fələstin Qırmızı Aypara Cəmiyyəti şəhid olanların sayının artacağı ehtimalının olduğunu bildirib.
Saat 11:30- İordan çayının qərb sahillərindəki Cenin düşərgəsində şəhid olanların sayı 4 olub. Xarici KİV məlumat verib ki, şəhidlərdən biri yaşlı bir qadın olub.
Saat 12:06- Fələstin Səhiyyə Nazirliyi, bildirib ki, sionist rejiminin Cenin şəhərinə etdiyi təcavüz zamanı sübhdən indiyə qədər aralarında biri qadın olmaqla 5 nəfər şəhid olub. Həmçinin, 4-nün fiziki vəziyyəti ağır olan 16 fələstinli yaralanıb.
Saat 12:15- Cenin xəstəxanasının müdiri: İşğalçıların düşərgəyə etdikləri hücumda şəhid olanların sayı 8-ə çatıb.
Saat 13:28- Fələstin Səhiyyə Nazirliyi, işğalçıların dünən Cenin düşərgəsinə etdikləri hücum və cinayətdə 9 nəfər şəhid, 4-nün vəziyyəti ağır olmaqla 20 nəfər yaralanıb.
Cenin düşərgəsinin ətrafında olan müxbirlərə müsahibə verən şahidlər vurğulayıblar ki, sionist hərbiçilərinin bugünki təcavüzü və Cenin şəhərində yerləşən Fələstin Müqavimət Qüvvələrinin döyüşü 2002-ci ilin Aprel ayındakı döyüşlərdən daha geniş, daha böyük olub.
İşğalçıların Cenin xəstəxanasına hücumları
İşğalçı qüvvələr tərəfindən Cenin xəstəxanasına atılan göz yaşardıcı qazların ardınca xəstəxanada olan yataq xəstələri və uşaqlar yaralanıblar.
Ağır silahlı toqquşmalar zamanı sionistlər Cenin düşərgəsinin işığını kəsiblər. İsrailli snayperçilərdən bir neçəsi bəzi evlərin damlarında gizlənərək fələstinlilərə atəş açıblar.
İşğalçılar köməkçi hərbi qüvvələri bir hərbi buldozerlə Cenin düşərgəsinə göndəriblər.
İşğalçıların Ceninə hücumundan sonra yayılan videolar yaşayış məntəqələrinin ciddi şəkildə məhv olunmasını göstərir. Fələstin Qırmızı Aypara Cəmiyyəti, Cenin düşərgəsinin vəziyyətinin böhranlı olduğunu bildirib.
