Dünən səhər sionist əsgərlərinin İordan çayının qərb sahillərinin şimalında yerləşən Cenin şəhərinə və düşərgəsinə hücumunda 3 fələstinli şəhid olub.
Fələstin Səhiyyə Nazirliyi 3 fələstinlinin şəhadət xəbərini təsdiqləyib. Sionist rejiminin əsgərləri bu hücumda özləri ilə birgə bir hərbi buldozer gətirib və snayperçiləri hündür binaların damlarına yerləşdiriblər.
Xarici KİV-in verdiyi məlumata görə, sionist rejiminin əsgərləri ilə fələstinli gənclər arasındakı şiddətli toqquşmada Hay Əta Şəbli, Tariq əl-Dəmc və Siddiqi Zəkarəne adlı 3 fələstinli şəhid olub.
Cenin şəhərindəki Qəssam batalyonları sionist əsgərlərinin Cenin şəhərinin ətrafındakı Hədəf məntəqəsinə etdikləri geniş hücum barədə xəbər veriblər.
Cenin batalyonu (Səraya əl-Qüds) bildirib ki, sionist əsgərlərinə məxsus bir avtomobili atəşə tutublar və onların fəryad səsləri ucalıb.
Sionist əsgərləri də təcili tibbi yardım maşınına birbaça atəş açıblar.
Digər tərədən də Cenin şəhərinin İslami və Milli qüvvələri bir neçə fələstinli cavanın şəhadəti münasibəti ilə ümumi tətil olunmasını və vətəndaşların onların dəfn mərasimində iştirak etmələrini istəyib.
Bundan bir gün əvvəl axşam vaxtı Məhmud Hamid adlı 32 yaşlı cavan döyüşçü də təqib zamanı Ramullah şəhərinin şərqində şəhadətə çatıb.
Bu 4 cavanın şəhid olması ilə cari ilin əvvəllərindən şəhid olanların sayı 216 nəfərə çatıb. Bunların 164 nəfəri İordan çayının qərb sahillərindən və 52 nəfəri isə Qəzzə zolağından olublar.