Sionist rejimi mənbəsi bildirib ki, bu rejimin polisi işğal olunmuş bütün ərazilərdə fövqaladə hal elan edib və fələstinlilərin təkrar hücumları barəsində xəbərdarlıq edib.
İbri mənbələrinin, 23 Noyabr səhər saatlarında işğal olunmuş Qüdsdə bir nəfərin ölümü və 20-dən çoxunun yaralanması ilə nəticələnən 2 partlayış barədə verdiyi məlumatdan sonra fövqaladə hal elan olunub. Bu partlayışın ardınca sionist rejiminin müvəqqəti baş naziri “Payir Lapid”, vəziyyətin araşdırılması məqsədi ilə fövqaladə iclasın keçirilməsi göstərişi verib.
Sionist rejiminin müdafiə naziri Benni Qantz Ordunun Baş Qərargah rəisinin müavini ilə birgə, əməliyyat və kəşfiyyat rəhbərləri, müdafiə nazirliyindəki siyasi-təhlükəsizlik bölmələri və polis əməliyyatları koordinatoru da bu iclasa çağrılıblar.
Sionist rejiminin mediyaları da Qüdsdə baş verən iki partlayışı proqramlaşdırılmış adlandırıb və vurğulayıblar ki, bu əməliyyatlar çoxtərəfli olub. Çünki, bu hərəkətlərin bir nəfər tərəfindən yerinə yetirilməsi mümkünsüz görünür.
Xarici KİV-in verdiyi məlumata görə, Qəzza zolağında yerləşən müqavimət dəstələri “hazır ol” vəziyyətinə gəliblər. Müqavimət dəstələri, işğal olunmuş Qüdsdəki bugünki dəyişikliklərin ardınca görünməmiş təhlükəsizlik tədbirləri görüblər.
Bu mənbənin bildirdiyinə görə, işğal olunmuş ərazilərdə davam edən dəyişikliyin ardınca, müqavimət, özünü müharibə ilə nəticələnə biləcək “böyük bir gənginliyə” hazırlayır.
Bu mənbə həmçinin əlavə olaraq bildirib ki, Fələstin müqaviməti zərbə bölmələrini “hazır ol” vəziyyətinə gətirib və hər növ fövqaladə şəraitlə mübarizə aparmaq üçün hazırdır.