Qəzzədəki Fələstin Səhiyyə Nazirliyinin sözçüsü 1 milyon 800 min insanın məskunlaşdığı məskunlaşdırma mərkəzlərindəki vəziyyəti fəlakətli adlandırıb və bildirib ki, bu mərkəzlərdə heç bir həkim nəzarəti olmayan 50 min hamilə qadın var.
Qəzzədəki Fələstin Səhiyyə Nazirliyinin sözçüsü Əşrəf əl-Qədrə sionist rejiminin Qəzzəyə qarşı hücumları zamanı 20 674 nəfərin şəhid olduğunu və 54 000-dən çox insanın isə yaralandığını bildirib. (25 Dekbar)
Xarici xəbər agentliklərindən biri əl-Qədrəyə istinadən bildirmişdi ki, sionist hərbiçiləri 24 saat ərzində 25 qətliam törədiblər. Bunun ardınca da, 250 nəfər şəhid olmuş, 500 nəfər də yaralanmışdı.
BMT-nin Fələstin məsələləri üzrə xüsusi hesabatçısı Françeska Albanese bu qətliamlar barəsində vurğulayıb: “Bu, dünyanın digər yerlərində dinc əhaliyə qarşı törədilən digər qətliamlarla çox da fərqlənmir.”
Bu BMT rəsmisi deyib: “Qətliam tək bir hərəkət deyil, bir prosesdir. Onun qarşısını almaq lazımdır. Amma Qəzzədə-Srebrenitsada və Ruandada baş verənlər kimi-dünya yalnız baş verməsinə icazə verir.”
Əl-Qədrə sözlərinin davamında sionistlərin hücumu zamanı 311 nəfər tibb işçisinin şəhid olduğunu və 102 təcili yardım maşınının məhv edildiyini bəyan edərək deyib: Sionist rejimi 141 müalicə mərkəzini hədəfə alıb, 23 xəstəxana və 53 müalicə mərkəzinin fəaliyyətini dayandırıb.
Bu fələstinli rəsmi sionist rejimi tərəfindən 99 nəfər tibb işçisinin həbs edilməsinə toxunaraq bildirib: İsrail Qəzzənin şimalındakı xəstəxanaları bilərəkdən hədəfə alır ki, 800 min insan müalicə xidmətlərindən məhrum olsun.
Əl-Qədrə 1 milyon 800 min insanın məskunlaşdığı məskunlaşdırma mərkəzlərinin vəziyyətinin acınacaqlı olduğunu bildirərək vurğulayıb: Bu mərkəzlərdəki 900 min uşaq qıtlıq, mədə-bağırsaq və dəri xəstəlikləri, qan azğılı ilə qarşı-qarşıyadır.
O, bu mərkəzlərdəki heç bir su, qida və həkim nəzarəti olmadan yaşayan 50 min hamilə qadının olduğuna işarə edərək deyib: Hər gün təxminən 180 hamilə qadın qeyri-insani şəraitdə uşaq dünyaya gətirir.