Xəbər mənbələri İsrail rejiminin Yəmənə son hücumunda şəhid və yaralananların sayının 200 nəfərdən çox olduğunu bildirib.
Xarici KİV-in verdiyi məlumata görə, Yəmənin Səhiyyə Nazirliyi bir hesabatda sionist rejimin Səna və əl-Cəvf əyalətlərinə təcavüzü nəticəsində şəhid olanların sayının 46-ya, yaralıların sayının isə 165-ə yüksəldiyini açıqlayıb.
İşğal rejiminin Sənaya hücumunda şəhid olanların sayının 38-ə, yaralıların sayının isə 147-yə çatdığı hesabatda əl-Cəvf vilayətində də 8 mülki vətəndaşın şəhid olduğu, 18-nin yaralandığı bildirilib.
Məlumata görə, sionist rejimin hücumu nəticəsində 5 uşaq və 11 qadın şəhid olub, 31 uşaq və 29 qadın yaralanıb.
Yəmənin Səhiyyə Nazirliyi əlavə olaraq bildirib ki, bu rəqəm yekun deyil və şəhid və yaralıların sayının artacağı ehtimalı var.
Sionist rejimin televiziyası çərşənbə günü axşam saatlarında bu rejimin hava qüvvələrinin Yəmənin paytaxtı Sənada hədəfləri pozduğunu bildirib.
Yəmən Silahlı Qüvvələrinin sözçüsü sionist mənbələrin ölkədəki raket buraxılış məntəqələrinin hədəf alındığı barədə iddialarını təkzib edib.
Yəhya Sari vurğulayıb: Düşmən İsrailin raket buraxılış məntəqələrini hədəfə alması ilə bağlı iddiaları yalandır.
O, deyib: İsrailin hücumları “26 Sentyabr” və “əl-Yəmən” qəzetləri də daxil olmaqla, tamamilə mülki əraziləri vurub, çoxlu sayda kişi və qadın jurnalist və sadə vətəndaşlar şəhid olub və yaralanıb.
Səri qeyd edib ki, sionist rejimin bu təcavüzü cavabsız və cəzasız qalmayacaq.