Media mənbələri sionist rejiminin ordusunun 1500 fələstinli şəhidin cənazəsini Qəzzədən hərbi bir kazarmaya aparması barədə məlumat veriblər.
Qərbirlərin açılması və cəsədlərin oğurlanması İsrailin işğalçı ordusunun Qəzzədə törətdiyi dəhşətli cinayətlərindəndir. Hansı ki, bu hadisə müharibənin ilk aylarında geniş həcmdə baş verdi və dünya ictimaiyyətinin heyrətə düşməsinə səbəb oldu.
İndi də İsrail qəzetlərindən biri qeyd edib ki, İsrail ordusu Qəzzə şəhidlərindən olan 1500 naməlum cənazəni bu zolaqdan çıxarıb və “Sadiyah Timan” kazarmasında saxlayır. Fələstinə aid və beynəlxalq qrumlar işğalçılar tərəfindən həyata keçirilən belə tədbirlərə dəfələrlə toxunublar.
Xarici KİV-in verdiyi məlumata əsasən, ötən Fevral ayında Qəzzə və Xan Yunisdə azı 16 qəbirsanlıq İsrail ordusunun əli ilə dağıdılıb və yüzlərlə cəsəd də oğurlanıb.
Bu hadisələrin biri bu ilin Yanvar ayının 5-də baş verib. Belə ki, İsrail hərbiçiləri Qəzzə şəhərində yerləşən “ət-Tuffah” məhəlləsindən geri çəkilməmişdən öncə bu məhəllənin qəbirsanlığında dəfn olumuş azı 150 yeni şəhidin cənazəsini oğurlayıblar.
İsrail rejimi ötən Yanvar ayının 19-da belə bir cinayəti etiraf etməklə bu işi israilli əsirlərin cəsədlərini müəyyənləşdirmək məqsədi ilə həyata keçirdiyini iddia etdi. İşğalçı ordunun bəyanatında iddia olunmuşdu ki, qazılmış qəbirlərdəki cəsədlərin israilli əsirlərə aid olmadığı müəyyən olunduqdan sonra “ehtiramla” qəbirlərə qaytarılıb. Bu, beynəlxalq mediaların və qrumların əksini təsdiqlədikləri bir iddiadır.