Qəzzə Səhiyyə Nazirliyi şənbə günü açıqlamasında bildirib ki, İsrail ordusu cəmi 12 gün ərzində 900-dən çox fələstinlini öldürüb.
Bir neçə min fələstinli şəhidin hələ də dağıntılar altında qaldığı təxmin edilsə də, Qəzzə Səhiyyə Nazirliyi İsrail ordusunun Qəzzə zolağına yeni hücumları bərpa etdikdən sonra Martın 18-dən etibarən 921 fələstinlini öldürdüyünü, 254 nəfəri isə yaraladığını açıqlayıb.
Qəzzə Səhiyyə Nazirliyi son 24 saatda biri dağıntılar altından çıxarılan 26 şəhidin cənazəsinin Qəzzə xəstəxanalarına təhvil verildiyini açıqlayıb.
İsrail qəzetlərindən biri sionist rejimin son hücumları ilə bağlı araşdırma apardıqdan sonra yazıb ki, İsrail ordusu ötən həftə çərşənbə axşamı Qəzzə zolağına 80 hava hücumu həyata keçirdikdən sonra HƏMAS qüvvələrinin yalnız 7-sinin adını hədəfə tuş gələnlər arasında qeyd edib.
Qəzet daha sonra bildirib ki, bu hava hücumları zamanı əksəriyyəti qadın olmaqla 300-ə yaxın fələstinli həyatını itirib; Amma HƏMAS və İslami Cihad qüvvələrinin hədəf alındığı iddia edilib.
Əlaqədar xəbərlər
