Mətbuat mənbələri bu gün, həftənin bazar ertəsi günü israilli hərbiçilərin Əl-Cəlildə açdıqları atəş nəticəsində 21 yaşlı “Ömər Səvaid” adlı bir gəncin şəhid olması barədə xəbər veriblər.
Şahidlərin sözlərinə görə, fələstinli bu gənc, öz maşınında olduğu halda sionist rejiminin polis qüvvələrindən biri ona atəş açaraq hadisə yerindən qaçıb.
İsrailli bu hərbiçi, Ömər Səvaidi birbaşa hədəf seçib.
Sionist rejimi polisi bu barədə açıqlama verməyib və iddia edib ki, bu hadisə barəsində araşdırma aparılır.
Fələstinli mənbələr həmçinin, sionist köçkünlərinin bu gün səhər saatlarında Məscidul-Əqsaya hücum etdikləri xəbərini veriblər.
Bu gün səhər saatlarında köçkünlər sionist rejiminin polisinin himayəsi altında Məscidul-Əqsaya hücum ediblər. Dünən gecə də sionsit rejimi hərbiçiləri Məscidul-Əqsada etikaf saxlayanlara hücum edərək onlara tərəf göz yaşardıcı qazlar atıblar.
Digər tərəfdən də Fələstin xəbər agentliklərindən biri, sionist köçkünlərinin Ramullahdakı Səncəl şəhərciyinə hücum etdiklərini və fələstinlilərdən birinin evini yandırdıqlarını nümayiş etdirən bir video yayımlayıb.