Əl-Əzhər verdiyi bəyanatında İordan çayının qərb sahilinin cənubunda İsrail əsgərləri tərəfindən fələstinli ananın güllələnərək qətlə yetirilməsini qınayıb.
Əl-Əzhər Müşahidə təşkilatı bəyanat yayıb: “Biz işğalçı sionist rejimin “Ğadə Səbatini qəsdən qətlə yetirən hərbçilərinin vəhşiliyini pisləyirik.”
Fələstinin Səhiyyə Nazirliyi bazar günü elan edib ki, altı uşaq anası olan 47 yaşlı Ğadə Səbatin Beyti-Ləhmin yaxınlığında sionist yaraqlılar tərəfindən güllələnib.
Əl-Əzhər Müşahidə təşkilatı bildirib: “Bu əsgərlər vəhşilik və təcavüzlə dolu cinayət keçmişləri ilə Ramazan ayının ehtiramını saxlamadılar.”
Bəyanatda işğalçı rejimin fələstinlilərə qarşı zorakılıqlarını artırdığına işarə və Fələstində gərginliyin artması ilə bağlı xəbərdarlıq edilib.
Əl-Əzhər Müşahidə təşkilatı, həmçinin beynəlxalq ictimaiyyəti sionist rejimin fələstinlilərə qarşı mütəmadi cinayətlərinin qarşısını almaq üçün təcili tədbirlər görməyə çağırıb.
Bundan əvvəl Avropa İttifaqı (Aİ) fələstinli qadının İsrail qüvvələri tərəfindən qətlə yetirilməsini pisləyib və hakimiyyət orqanlarını araşdırma aparmağa çağırıb.
Fələstinli qruplar da bu cinayəti qətiyyətlə pisləyib və bunun sionist düşmənin Fələstin xalqına qarşı əsil terrorizmini nümayiş etdirdiyini vurğulayıb.
Sionist hərbçilər bazar günü ikisi qadın olmaqla üç fələstinlini güllələyiblər.
Dünən sionist hərbçilər Əsqəlanda fələstinli olduğunu güman edərək yəhudi bir qadını güllələyiblər, lakin bu yanlışlığı anladıqdan sonra onun psixi problemi olduğunu və dəlixanadan qaçdığını iddia ediblər.
Əl-Əzhər Müşahidə Təşkilatı sionist hərbçilərin fələstinli ananı qətlə yetirmə cinayətini pisləyib
